: ڪراچي: ملڪ جي باني قائد اعظم محمد علي جناح جي ٦۹ هين ورسي اڄ انتهائي عقيدت ۽ احترام سان ملهائي پئي وڃي. اڄ ٿيندڙ مختلف تقريبن ۾ قومي جي ابي کي خراج عقيدت پيش ڪيو ويندو، سندس روح کي ايصال ثواب پهچائڻ خاطر قرآن خواني پڻ ڪئي ويندي. قائداعظم جي مزار تي سياسي شخصيتون، هٿياربند فوجن جا نمائندا ۽ شهري حاضري ڀريندا ۽ گلن جون چادرون چاڙهيندا. ان کان علاوه قائد اعظم جي ورسي جي حوالي سان مختلف تنظيمن طرفان سڄي ملڪ ۾ سيمينارز ۽ ٻيون تقريبون پڻ ڪوٺايون ويون آهن جن ۾ باباءِ قوم کي ڀرپور نموني خراج عقيدت پيش ڪيو ويندو.
